કેમ દુર્ગા પૂજા દરમિયાન બંગાળીઓ ખાય છે નૉનવેજ ?

બંગાળીઓમાં માન્યતા છે કે દુર્ગા પૂજા દરમિયાન દેવી માતા પોતાનાં બાળકો સાથે પોતાનાં માતૃ ગૃહમાં થોડાક દિવસો પસાર કરવા આવે છે. બંગાળીઓ દુર્ગા દેવી માતાને પોતાનાં પરિવારનો જ ભાગ ગણે છે. તેથી તેઓ આ દિવસે માંસ, માછલી અને મિઠાઈ બનાવે છે અને બીજા અનેક પ્રકારના વ્યંજનો બનાવે છે, કારણ કે તેઓ આ પ્રસંગે પોતાનાં પરિવારનાં સભ્યને તેમની મનગમતી વસ્તુઓ ખવડાવવા માંગે છે.

આ પ્રસંગે વિવાહિત મહિલાઓ તો માછલી કે નૉનવેજ ખાઈ શકે છે, તેમના માટે કોઈ મનાઈ નથી, પરંતુ આ દિવસોમાં બંગાળી બ્રાહ્મણ વિધવા સ્ત્રીઓએ પારંપરિક સાત્વિક ભોજન કરવાનું હોય છે.

બંગાળમાં જ નવરાત્રિમાં નૉનવેજ નથી ખવાતું, પણ દેશમાં અનેક રાજ્યોમાં બ્રાહ્મણો પણ આ દિવસોમાં નૉનવેજનું સેવન કરે છે. લોકકથાઓનું માનીએ, તો વૈદિક કાળમાં હિમાલયન જનજાતિ અને હિમાલયની આસપાસ રહેનાર સમુદાયનાં લોકો દેવીની પૂજા આરાધાના કરતા હતા. તે લોકોનું માનવું હતું કે દુર્ગા અને ચંડિકાને દારૂ અને માંસનો શોખ હતો.

નવરાત્રિ દરમિયાન ઉત્તરાખંડમાં બ્રાહ્મણો દેવીનાં સન્માનમાં પાડાની બિલ આપી તેમને પ્રસન્ન કરે છે. તેની પાછળ કિવદંતી છે કે દુર્ગાએ મહિષાસુર નામના રાક્ષસનો વધ કર્યો હતો. મહિષનો અર્થ ભેંસ હોય છે. તે પછી તેઓ આ માંસ પકાવીને પોતાના સમુદાયના લોકોમાં પ્રસાદી બનાવી વહેંચે છે.

રાજસ્થાનના અનેક વિસ્તારોમાં શક્તિની આરાધના કરનાર શાક્ત સંપ્રદાયના લોકો પણ આ દિવસોમાં બકરાની બલિ અને દારૂ ચઢાવવાની માન્યતા ધરાવે છે.

હવે સમજાઈ ગયું હશે આપને કે કેમ કેટલાક લોકો નવરાત્રિમાં પણ નૉનવેજ ખાવાથી દૂર નથી રહેતા.