પીરિયડ્સની ડેટ પાછળ કરવા માંગતા હોવ, તો અજમાવો આ પ્રાકૃતિક રીતો

પીરિયડ ડીલે કરવા માટે કરો આ વસ્તુઓ

આજ-કાલ બજારમાં એટલી ગોળીઓ મળે છે કે તે આપનાં પીરિયડની ડેટને પાછળ ધકેલી શકે છે, પરંતુ તેમને લેવાથી આપના પ્રજનન અંગો પર અસર પડી શકે છે. તેથી રિસ્ક કેમ લેવો કે જ્યારે આપની પાસે પ્રાકૃતિક ઉપાયો છે ? આવો જાણીએ આ ઉપાયો વિશે :

લાંબા સમય સુધી કસરત કરો

જો આપ કસરત નથી કરતા, તો શરૂ કરી દો અથવા તો તેનું ટાઇમિંગ વધારી દો. જો કોઈ રમત રમવામાં રસ હોય, તો તે રમો. આખા દિવસમાં એક કે અડધો કલાક કસરત કરો.

મગજનું કામ કરો

જે કામથી સ્ટ્રેસ થતો હોય, તે કરો. કોઈ એવું કામ હાથ ધરો કે જેનાથી મગજને થાક લાગે. જોકે આ ટિપ ત્યારે જ માનો કે જ્યારે આપની પાસે કોઈ બીજો ઉપાય ન હોય, કારણ કે સ્ટ્રેસ લેવાથી હૉર્મોન્સમાં ફેરફાર થાય છે કે જે પીરિયડ્સને આગળ કે પાછળ કરી શકે છે.

મસાલેદાર આહાર ન લો

મસાલેદાર ભોજન પેટમાં ગરમી પેદા કરે છે કે જેથી પીરિયડ્સ આરામથી આવે છે. તેથી થોડાક દિવસો સુધી મસાલેદાર ભોજન તરફ જુઓ પણ નહીં. આદુ, લસણ, મરચુ, કાળી મરી વિગેરેથી દૂર રહો.

વિનેગર

વિનેગર આપના પીરિયડ્સની ડેટને પાછળ કરી શકે છે. 1 ગ્લાસ પાણીમાં 3-4 ચમચી વિનેગર નાંખો. તેને દિવસમાં 3-4 વખત પીવો.

ચણાની દાળ

ચણાની દાળમાં ખૂબ પ્રોટીન હોય છે અને તે ઉપરાંત તે આપનાં પીરિયડ્સને ડીલે પણ કરી શકે છે. આપને કરવું માત્ર એટલું જ છે કે થોડીક દાળ લઈ તેને ફ્રાય કરો અને પછી મિક્સીમાં પીસી પાવડર બનાવો. આ પાવડરને સૂપ બનાવી પી લો. તેમાં બસ ગરમ પાણી મિક્સ કરો અને પકવી આગામી પીરિયડ્સની ડ્યુટ ડેટથી 7 દિવસ પહેલા લો. બેસ્ટ રિઝલ્ટ માટે તેને સવારે નરણે કોઠે પીવો.

પાર્સલેના પાન

આ એક વિદેશી હર્બ છે કે જે ભારતમાં પણ સરળતાથી ઉપલબ્ધ છે. પાર્સલેના મુટ્ઠી ભર પાન લઈ 500 એમએલ પાણીમાં ઉકાળો. પછી પાણી ઉકાળી તેમાં થોડુક મધ મિક્સ કરો. પછી તેને પી લો. એવું દિવસમાં બે કે ત્રણ વાર કરો.

લિંબુ

આપ લિંબુને પોતાનાં ભોજનમાં મિક્સ કરી કેટલાક દિવસો સુધી ખાવો. તેનાથી પીરિયડ્સ લાઇટ થશે અને થશે પણ નહીં. આપ તેને પાણીમાં મેળવીને પણ પી શકો છો, પરંતુ આગામી પીરિયડ્સ થોડુંક કષ્ટકારી હોઈ શકે છે.

ન ખાવો આ વસ્તુઓ

જાણ્યે-અજાણ્યે આપ એવી અનેક વસ્તુઓ ખાઈ શકો છો કે જે આપનાં પેટની ગરમી વધારી શકે છે. તેથી આ વસ્તુઓને ખાવાનું ટાળો... હળદર, પાઇનેપલ, પપૈયુ, ગાજર, તલ, દાડમ, ખજૂર, ગોડ, અજમો, લાલ માંસ કે ડાર્ક ચૉકલેટ.