હેલ્ધી અને ફિટ રહેવા માટે દરરોજ સવારે ઉઠતા જ કરો આ 5 યોગાસનો

1. નટરાજાસન :

આ યોગાસન આપના સ્પાઇન અને પાચન તંત્રને શ્રેષ્ઠ રીતે કામ કરવામાં મદદ કરે છે. તેને દરરોજ સવારે બેડમાંથી ઉઠતા જ કરવું જોઇએ.

કરવાની રીત :
* જમીન પર સુઈ જાઓ. પોતાનાં જમણા ઘુટણને વાળો અને પોતાનાં જમણા પગને ડાબા ઘુટણની બહારની તરફ રાકો. પછી પોતાની બાજુઓને જેટલું શક્ય હોય, તેટલું બહારની દિશામાં ફેલાવો.
* શ્વાસ લો અને શ્વાસ છોડતા ધડને ડાબી તરફ વાળો અને માથાને જમણી તરફ વાળતા જમણા ખભાની ઉપરથી જુઓ.
* ખભાઓને જમીન પર રાખતા જમણી જાંઘથી જમીનને દબાવો. જાંઘને દબાવવા માટે આપ પોતાનાં ડાબા હાથનો પણ ઉપયોગ કરી શકો છો.
* આ પૉઝિશનમાં થોડીક વર રહો અને શ્વાસ લો.
* શ્વાસ છોડતા આરામ કરો.
* પછી આખી પ્રક્રિયા બીજી તરફથી દોહરાવો.

નટરાજાસનનાં ફાયદાઓ :
* તેનાથી કરોડરજ્જુનાં હાડકામાં લવચિકપણુ વધે છે.
* તેને કરવાથી ફેફસા યોગ્ય રીતે કામ કરે છે.
* તેનાંથી આંતરડાઓની પણ એક્સરસાઇઝ થઈ જાય છે. તેથી તેને સવારે ઉઠતા જ કરો. તેને કરવાથી બોવેલ મૂવમેંટ નિયંત્રિત રહે છે.
* તેને નિયમિત કરવાથી મગજ શાંત રહે છે.

2. સુખાસન :

આ યોગાસનને કરવામાં બહુ ઓછો શ્રમ કરવો પડે છે. તેથી તેને સુખાસન નામ આપવામાં આવ્યું છે. સુઈને ઉઠ્યા બાદ એકદમ રિલેક્સ થઈ આ આસન કરો.

કરવાની રીત :
* પગોને વાળીને નીચે જમીન પર ધ્યાન વાળી મુદ્રામાં બેસી જાઓ.
* પોતાની આંખો બંધ કરો અને પોતાના શ્વાસ પર ફોકસકરો.
* શ્વાસ અંદર લેતી વખતે સ્પાઇનને એકદમ સીધું રાખો અને શ્વાસ છોડતી વખતે સ્પાઇનને ઢીલું છોડી દો.
* આ રીતે લગભગ 20 વખત શ્વાસ લો.

સુખાસન કરવાનાં ફાયદાઓ :
* કરોડરજ્જુનું હાડકું લવિચક બને છે.
* આપનુ મન સમ્પૂર્ણપણે શાંત થઈ જાય છે.

3. નાડી શોધન પ્રાણાયામ :

આ યોગાસન કરવાથી આપનું નર્વસ સિસ્ટમ શ્રેષ્ઠ રીતે કામ કરવા લાગે છે અને તેનાંથી શરીરમાં ઉર્જાનું સંચાર વધી જાય છે.

કરવાની રીત :
* સૌપ્રથમ ધ્યાન મુદ્રામાં આરામથી બેસી જાઓ અને થોડીક વાર ઉંડા શ્વાસ લો.
* હવે અંગૂઠાથી નાકનાં એક કાણાને બંધ કરો અને તે સમયે બાકીની આંગળીઓ સીધી રાખો. આપ આ સમયે તર્જની અને તેની બાજુ વાલી આંગળીને બંને ભવોંની વચ્ચે પણ રાખી શકો છો.
* એક નાક બંધ રહેતા બીજા નાકનાં કાણામાંથી શ્વાસ અંદર લો અને પછી તેને બંધ કરી હવે બીજા કાણામાંથી બહાર કાઢો.
* આ રીતે તર્જની આંગળી અને અંગૂઠાની મદદથી વારંવાર એર કાણાથી શ્વાસ લો અને બીજા કાણાથી છોડી દો.
* આ સમગ્ર પ્રક્રિયા ઓછામાં ઓછી 5 મિનિટ સુધી દરરોજ કરો.

નાડી શોધન પ્રાણાયામનાં ફાયદાઓ :
* તેને કરવાથી શ્વસન તંત્ર શ્રેષ્ઠ રીતે કામ કરવા લાગે છે.
* તેનાથી આપની ફોકસ કરવાની ક્ષમતા વધે છે.
* તેને કરવાથી મસ્તિષ્કનાં બંને ભાગો યોગ્ય રીતે કામ કરે છે.
* શરીરનું તાપમાન નિયંત્રિત રહે છે.

4. બાળાસન :

આ યોગાસન કરવું ખૂબ જ સહેલું છે. તેને દરરોજ કરવાથી માઇંડ રિલેક્શ થાય છે અને સાથે જ સ્ટ્રેસ દૂર થાય છે.

કરવાની રીત :
* નીચે ફર્શ ઉપર ઘુટણોનાં બળે ઊભા થઈ જાઓ.
* હવે પોતાનાં શરીરને આગળની તરફ ઝુકાવો કેજેથી આખું ભાર આપની જાંઘો પર રહે.
* હવે પોતાનાં માથાને નીચે જમીન પર સ્પર્શ કરાવો.
* આ પૉઝિશનમાં આપની છાતી આપની જાંઘો સાથે ચોંટેલી હોવી જોઇએ અને હાથને બંને સાઇડમાં રાખો.
* હવે હાથોને વધુ પાછળની તરફ લઈ જાઓ કે જેથી સ્પાઇનમાં ખેંચાણ અનુભવાય.
* થોડીક વાર આ જ પૉઝિશન જાળવી રાખો અને ફરીથી સામાન્ય પૉઝિશનમાં આવી જાઓ.

બાળાસનનાં ફાયદાઓ :
* તેને કરવાથી શરીરમાં બ્લડ સર્ક્યુલેશન વધી જાય છે.
* સ્ટ્રેસ અને એંગ્ઝાઇટી જેવી સમસ્યાઓમાં રાહત મળે છે.
* આગળની તરફ ઝુકવાથી આંતરિક અંગો જેમ કે પેટ, લીવર અને કિડનીની મસાજ પણ થઈ જાય છે અને સાથે જ મગજ પણ રિલેક્સ થાય છે.

5. ભુજંગાસન (Cobra Pose) :

જો આપને પીઠનાં બળે સૂવાની ટેવ છે, તો સવારે ઉઠતા જ આ એક્સરસાઇઝ કરો. તેનાથી વધારે મહેનત કર્યા વગર આખા શરીરનું સ્ટ્રેચિંગ થઈ જાય છે.

કરવાની રીત :
* તેના માટે પેટનાં બળે સુઈ જાઓ અને હાથોને સાઇડમાં રાખો.
* પોતાની કોણીઓને વાળો અને હથેલીઓને છાતી પાસે લાવો. આ પૉઝિશનમાં કોણીઓ જમીન પરથી ઉઠેલી હોવી જોઇએ.
* હવે ઉંડા શ્વાસ અંદર લો અને હથેલીઓ પર દબાણ લાવતા શરીરને આગળની તરફથી ઉઠાવો.
* હથેલીઓ પર જોર લગાવતા લગભગ નાભિ સુધીનાં ભાગને ઊપર ઉઠાવી લો અને આપનું માથું ઉપરની તરફ હોવું જોઇએ.
* આ સમગ્ર પ્રક્રિયામાં ઘુંટણો બિલ્કુલ સીધા અને જમીનથી ચોંટેલા હોવા જોઇએ.
* આ પૉઝિશનમાં જળવાઈ રહેતા થોડીક વાર શ્વાસ લો અને પછી નૉર્મલ પૉઝિશનમાં આવી જાઓ.

ભુજંગાસન કરવાનાં ફાયદાઓ :
* તેને કરવાથી સ્પાઇન, બાજુઓ અને ખભાઓને સ્ટ્રેચ મળે છે.
* હાર્ટ અને ફેફસા શ્રેષ્ઠ રીતે કામ કરવા લાગે છે.
* થાક અને સ્ટ્રેસમાંથી છુટકારો મળે છે.
* હિપ્સને યોગ્ય શેપ મળે છે.