મુલ્તાની માટી હેર પેક: શુષ્ક અને ઓઈલી વાળમાંથી અપાવે છૂટકારો

વાળને મજબૂત બનાવવા માટે અડધાથી ઓછો અરીઠા પાવડર લો અને તેમાં અડધો કપ મુલ્તાની માટીનો પાવડર મિક્સ કરો. પછી તેમાં ૧ ચમચી લીંબુનો રસ અને પાણી નાંખીને પેસ્ટ બનાવો. હવે આ પેસ્ટને ૩૦ મિનીટ સુધી લગાવીને રાખો જેનાથી મુલ્તાની માટીમાં પાણી સારી રીતે સમાઈ જાય. ત્યાર બાદ આ પેસ્ટને માથામાં લગાવીને ૨૦ મિનીટ સુધી રાખો. આ હેર પેકને અઠવાડિયામાં ૨ વખત લગાવો.

૬-૮ ચમચી મુલ્તાની માટીમાં ૨ ચમચી કાળા મરીનો પાવડર અને થોડું દહી મેળવો. આ પેસ્ટને માથામાં લગાવો અને ૩૦ મિનીટ સુધી રાખો. પછી ઠંડા પાણીથી ધોઈ લો. તેનાથી વાળ ઉતવાની સમસ્યા દૂર થશે.

૪-૬ ચમચી મુલ્તાની માટીમાં થોડી એલોવેરા જેલ મિક્સ કરો. પછી તેમાં ૨ ટીંપ મનપસંદ તેલ મિક્સ કરો અને ૧ ચમચી લીંબુનો રસ મેળવો. પછી આ પેસ્ટને માથામાં લગાવો અને ૩૦ મિનીટ પછી માથું ધોઈ લો.

૪-૫ ચમચી મુલ્તાની માટીમાં ૩ ચમચી સંતરાનો રસ મેળવો. પછી આ મિશ્રણમાં ૧ કપ દહી મિક્સ કરો. આ હેર પેકને માથાંમાં લગાવો અને ૩૦ મિનીટ પછી ઠંડા પાણીથી ધોઈ લો.

૨ ચમચી મુલ્તાની માટીમાં ૨ ચમચી ચણાનો લોટ અને ૧ ચમચી ટી ટ્રી ઓઈલ મિક્સ કરો. પછી આ પેસ્ટને માથામાં લગાવો અને ઠંડા પાણીથી ધોઈ લો. આ હેર પેક માથાના ફંગલ ઈન્ફેકશનને મટાડવામાં પણ મદદ કરશે.