વાળ જલ્દીથી વધારવા માટે Essential Oilsનો ઉપયોગ કેવી રીતે કરશો ?

1. નારિયેળનાં દૂધની સાથે :

આવશ્યક તેલનો ઉપયોગ જો આપ નારિયેળનાં દૂધની સાથે કરો છો, તો આ નક્કી છે કે આપનાં વાળ તુટશે નહીં અન સાથે-સાથે લાંબા પણ થશે.

કેવી રીતે ઉપયોગ કરશો : 4-5 ટીપા લાવેંદર આવશ્યક તેલમાં બે મોટી ચમચી નારિયેળનું દૂધ મેળવો. હવે તેને મેળવી માથામાં લગાવો. લગાવ્યા બાદ થોડીક વાર સુધી મસાજ કરો. હવે શૅમ્પૂથી ધોઈ લો.

2. ઑલિવ ઑઇલ સાથે :

જ્યારે વાત વાળ ખરતા રોકવા અને વાળ વધારવાની આવે છે, ત્યારે ઑલિવ ઑઇલ જેટલું અસરકારક કંઈ પણ ન હોઈ શકે.

કેવી રીતે કરશો ઉપયોગ : 3-4 ટીપા જોજોબા આવશ્યક તેલમાં બે ચમચી ઑલિવ ઑઇલ મેળવો. આ મિશ્રણને આખા માથા પર લગાવો. અડધો કલાક બાદ પોતાનાં શૅમ્પૂથી તેને ધોઈ લો.

3. એલોવેરા જૅલ સાથે :

જ્યારે એલોવેરા જેલને આવશ્યક તેલ સાથે મેળવવામાં આવે છે, ત્યારે તે જાદુઈ અસર કરે છે અને આપના માથામાં રક્ત વહન બરાબર થઈ જાય છે.

કેવી રીતે ઉપયોગ કરશો : 3-4 ટીપા જેરેનિયમ આવશ્યક તેલમાં 2 મોટી ચમચી એલોવેરા જૅલ મેળવો. આ મિશ્રણને માથા પર લગાવો. 4થી 5 મિનિટ સુધી મસાજ કરો. તે પછી શૅમ્પૂથી ધોઈ લો.

4. આંબળા જ્યુસ સાથે :

આંબળાને ઘણા વર્ષોથી લોકો વાળ લાંબા કરવા માટે ઉપયોગમાં લે છે અને તેમાં એંટી-ઑક્સીડંટ હોટચ છે કે જે આપને લાંબા અને મજબૂત વાળ આપે છે.

કેવી રીતે ઉપયોગ કરશો : 4થી 5 ટીપા રોઝમેરી આવશ્યક તેમાં બે મોટી ચમચી આંબળા જ્યૂસ મેળવો. આ મિશ્રણને માથા પર લગાવો. અડધો કલાક બાદ ઠંડા પાણીથી ધોઈ લો.

5. અરંડિયુ તેલ સાથે :

અરંડિયુ તેલ વાળ માટે બહુ લાભકારક હોય છે. વાળ વધારવાથી લઈ વાળમાં નવો પ્રાણ ફૂંકી દેવા આ તેલની ખાસિયત છે. તેને આવશ્યક તેલ સાથે મેળવી દેવાથી તેની અસર ઓર વધી જાય છે.

કેવી રીતે કરશો ઉપયોગ : 3 ટીપા સેડારવુડ આવશ્યક તેલમાં 1 નાની ચમચી અરંડિયુ તેલ મેળવો. આ મિશ્રણને વાળમાં લગાવો. કાક બાદ તેને શૅમ્પૂથી ધોઈ લો.

6. ઇંડાની ઝર્દી સાથે :

ઇંડાની ઝરદીમાં ભારે પ્રમાણમાં પ્રોટીન અને ફૅટી એસિડ હોય છે. ઇંડાની ઝર્દીને આવશ્યક તેલ મેળવી લગાવવાથી વાળ વધે છે.

કેવી રીતે કરશો ઉપયોગ : એક ઇંડાની ઝર્દીમાં 3થી 4 ટીપા ટી ટચ્રી ઑઇલ મેળવો. તેને આખા માથામાં સારી રીતે લગાવી લો. કલાક માટે છોડી દો અને તે પછી શૅમ્પૂથી ધોઈ લો.

7. મેથી સાથે :

મેથીને જો આવશ્યક તેલ સાથે મેળવી લગાવવામાં આવે, તો આ વાળ વધારવામાં બહુ સહાયક બની શકે છે.

કેવી રીતે કરશો ઉપયોગ : 2 નાની ચમચી મેથી પાવડરમાં 1 નાની ચમચી ગુલાબ જળ તથા 4 ટીપા થાઇમ આવશ્યક તેલ મેળવી લો. આ મિશ્રણને વાળમાં સારી રીતે લગાવો. તેને 40થી 45 મિનિટ સુધી રાખો અને તે પછી શૅમ્પૂથી ધોઈ લો.

8. નારિયેળ તેલ સાથે :

આવશ્યક તેલની સારાઈ અને નારિયેળ તેલનું એંટી-ઑક્સીડંટ જો મળી જાય, તો આપનાં વાળ માટે બહુ અસરકારક સાબિત થઈ શકે છે. વાળને નબળા થતા બચાવવાથી લઈ વાળને વધારવા સુધી આ આપના વાળ માટે જાદુની જેમ બની શકે છે.

કેવી રીતે કરશો ઉપયોગ : 2 મોટી ચમચી નારિયેળ તેલમાં 2થી 3 ટીપા જોજોબા આવશ્યક તેલ મેળવો. આ મિશ્રણ સારી રીતે વાળમાં લગાવો. અડધો કલાક શૅમ્પૂથી ધોઈ લો.

9. વિટામિન ઈ ઑઇલ સાથે :

વાળ વધારવા માટે જો આપ વિટામિન ઈ ઑઇલ સાથે આવશ્યક તેલને મેળવી દો, તો તેની અસર આપને સ્પષ્ટ દેખાશે.

કેવી રીતે કરશો ઉપયોગ : વિટામિન ઈ કૅપ્સૂલમાંથી તેલ કાઢી લો. તેમાં 2થી ટપા લાવેંદર આવશ્ક તેલ મેળવી લો. આ મિશ્રણ માથામાં લગાવી લો. અડધો કલાક બાદ પોતાનાં શૅમ્પૂથી તેને ધોઈ લો.