માનવીના ભોજનની ખોટ પૂરી કરી શકશે કીડા

નેધરલેન્ડના વેજનિનજેન વિશ્વવિદ્યાલયના કીટવિજ્ઞાનિક આર્નોલ્ડ વૈન હુડ્સનું માનવું છેકે, કીડા માનવીઓના ભોજનની ઉણપને પૂર્ણ કરવામાં મદદરૂપ થઇ શકે છે. આર્નોલ્ડે આ વિષય પર 14 મેથી વેજનિનજેન વિશ્વવિદ્યાલયમાં એક આંતરરાષ્ટ્રીય સંમેલન પણ કરવા જઇ રહ્યાં છે, જ્યાં એ વાત અંગે ચર્ચા કરવામાં આવશે કે શું ખરેખર કીડાં આપણા દૈનિક આહારનો એક મોટો વિકલ્પ બની શકે છે.

તેમણે આ વિષય પર એડિબલ ઇંસેક્ટ્સઃ ફ્યૂચર પ્રોસ્પેક્ટ ફોર ફૂડ એન્ડ ફીડ સિક્યુરિટી નામનું એક પુસ્તક પણ લખ્યું છે. આર્નોલ્ડ અનુસાર તેમમે તાજેતરના દિવસોમાં કીડાઓ પ્રત્યે લોકોની રૂચિ વધી હોવાનું નોંધ્યું છે. તેમણે જણાવ્યું કે, કીડાઓ આજે પણ ગરીબોનું ભોજન માનવામાં આવે છે, પરંતુ હવે આપણે આ ધારણાને બદલવાની જરૂર છે.