આ વિધિથી કરો હરિયાળી ત્રીજની પૂજા

Posted By: Lekhaka
Subscribe to Boldsky

હરિયાળી ત્રીજનાં દિવસે મહિલાઓ પોતાનાં પતિનાં લાંબાઆયુષ્ય અને આરોગ્યમય જીવનની કામનાનાં ઉદ્દેશથી વ્રત તથા પૂજન કરે છે. ગ્રેગોરિયન કૅલેંડર મુજબ આ વર્ષે હરિયાળી ત્રીજનો પર્વ 26મી જુલાઈએ ઉજવવામાં આવી રહ્યો છે.

ગુજરાતમાં હરિયાળી ત્રીજને કેવડા ત્રીજ તરીકે ઉજવવામાં આવે છે. ગુજરાતમાં આ દિવસે મહિલાઓ ભગવાન શિવ શંકરને કેવડો ચઢાવી પતિનાં લાંબા આયુષ્ય માટે વ્રત રાખે છે.

હિન્દૂ ચંદ્ર-સૌર પંચાંગ મુજબ શ્રાવણ માસનાં શુક્લ પક્ષની તૃતીયાએ હરિયાળી ત્રીજનો તહેવાર ઉજવવામાં આવે છે. ચોમાસાની શરુઆતની ખુશીમાં આ પર્વ ઉજવવામાં આવે છે.

હરિયાળી શબ્દનો અર્થ છે હર્યુ-ભર્યુ અને ચોમાસું આવતા ચોતરફ હરિયાળી ફેલાઈ જાય છે. આ દિવસે મહિલાઓ સુંદર વસ્ત્રો અને આભૂષણો પહેરીને પરમ્પરાગત લોક ગીતો ગાય છે અને નાચે છે. આ દિવસને ખૂબ જ હર્ષ અને ઉલ્લાસ સાથે ઉજવવામાં આવે છે.

 pooja items required to perform hariyali teej puja

આ ઉપરાંત હરિયાળી ત્રીજનાં જ દિવસે માતા પાર્વતીને ભગવાન શિવ પતિ તરીકે પ્રાપ્ત થયા હતાં. તો બીજી બાજુ આ દિવસે ભગવાન કૃષ્ણ અને રાધાનાં પ્રેમનાં પ્રતીક તરીકે પણ ઉજવવામાં આવે છે. હરિયાળી ત્રીજનાં દિવસે મહિલાઓ પૂજા-અર્ચના પણ કરે છે.

ઘણા સ્થાનોએ મહિલાઓ હરિયાળી ત્રીજનાં દિવસે ચંદ્ર દેવની પૂજા પણ કરે છે. આ ત્રીજ-તહેવારોમાંનો એક પર્વ છે. હવે અમે આપને બતાવીએ છીએ કે હરિયાળી ત્રીજની પૂજા માટે આપને કઈ વસ્તુઓની જરૂર પડશે.

હરિયાળી ત્રીજની પૂજા માટે જરૂરી સામગ્રી :

  • કાળી ભીની માટી
  • વેલ પત્ર
  • શમીનાં પાન
  • કેળાનાં પાન
  • ધતૂરાનું ફૂલ અને પાન
  • અંકવ વૃક્ષનાં પાન
  • તુલસીનાં પાન
  • જનોઈ
  • નાદ/ધાગો
  • નવા વસ્ત્રો
  • ફુલેરો અને ફલોમાંથી બનેલી છત્રી
 pooja items required to perform hariyali teej puja

માતા પાર્વતીનાં શ્રૃંગાર માટે જરૂરી વસ્તુઓ :

  • મહેંદી
  • ચૂડીઓ
  • વીંછી
  • ખોળ
  • સિંદૂર
  • કંકુ
  • કાંસ્કો
  • મ્હાવર
  • સુહાગ પૂડો અને સુહાગનનાં શ્રૃંગારની વસ્તુઓ
  • શ્રીફળ
  • કળશ
  • અબીર
  • ચંદન
  • તેલ અને ઘી
  • કપૂર
  • દહીં
  • ખાંડ
  • મધ
  • દૂધ
  • પંચામૃત

કેવી રીતે કરશો પૂજા ?

સંકલ્પ

પૂજા માટે સંકલ્પ કરો અને આ મંત્રનો જાપ કરો :

ઉમામહેશ્વરસાયુજ્ય સિદ્ધયે હરિતાલિકા વ્રતમહં કરિષ્યે

 pooja items required to perform hariyali teej puja

મૂર્તિ બનાવો અને પૂજનની શરુઆત કરો :

હરિયાળી ત્રીજની પૂજા સાંજે કરવામાં આવે છે. જ્યારે દિવસ અને રાત મળે છે, તે સમયને પ્રદોષ કહેવામાં આવે છે. આ સમયે સ્વચ્છ વસ્ત્રો ધારણ કરી પવિત્ર થઈ પૂજા કરો.

હવે ભગવાન શિવ, માતા પાર્વતી અને ભગવાન ગણેશની મૂર્તિઓ બનાવો. પરમ્પરા મુજબ આ મૂર્તિઓ સુવર્ણની બનેલી હોવી જોઇએ, પરંતુ આપ કાળી માટીમાંથી પોતાનાં હાથોથી આ મૂર્તિઓ બનાવી શકો છો.

  • સુહાગ શ્રૃંગારની વસ્તુઓ સજાવો અને માતા પાર્વતીને તે અર્પિત કરો.
  • હવે ભગવાન શિવને વસ્ત્રો ભેંટ કરો.
  • આપ સુહાગ શ્રૃંગારની વસ્તુઓ અને વસ્ત્રો કોઇક બ્રાહ્મમણને દાન કરી શકો છો.
  • આ પછી પૂર્ણ શ્રદ્ધા સાથે હરિયાળી ત્રીજની કથા સાંભળો અને વાંચો.
  • કથા વાંચ્યા બાદ ભગવાન ગણેશની આરતી કરો. તે પછી ભગવાન શિવ અને પછી માતા પાર્વતીની આરતી કરો.
  • ત્રણેય દેવી-દેવતાઓની મૂર્તિઓની પરિક્રમા કરો અને પૂરા મનથી પ્રાર્થના કરો.
  • આખી રાત મનમાં પવિત્ર વિચારો રાખો અને ઈશ્વરની ભક્તિ કરો. આ સમ્પૂર્ણ રાત્રે આપે જાગરણ કરવું પડશે.
  • બીજા દિવસે સવારે ભગવાન શિવ, માતા પાર્વતી અને ભગવાન ગણેશની પૂજા કરો અને માતા પાર્વતીને સિંદૂર અર્પિત કરો.
  • ભગવાનને કાકડી અને હલવાનો ભોગ ધરો. કાકડીથી પોતાનું વ્રત ખોલો.
  • આ તમામ વિધિ પૂર્ણ થયા બાદ આ તમામ વસ્તુઓને કોઇક પવિત્ર નદી કે તળાવમાં પ્રવાહિત કરી દો.

આ પૂજા પતિનાં દીર્ઘાયુ અને ઉત્તમ આરોગ્યની કામનાની પૂર્તિ માટે કરવામાં આવે છે, તો અવિવાહિત કન્યાઓ પણ મનગમતો વર પ્રાપ્ત કરવા માટે આ વ્રત રાખે છે.

For Quick Alerts
ALLOW NOTIFICATIONS
For Daily Alerts

    Read more about: teej puja
    English summary
    Read to know ways to perform the hariyali teej pooja and what are the ingredients required to perform the pooja.
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more