દાંતોને સફેદ બનાવવાનાં કેટલાક પ્રાકૃતિક ઉપાયો

ઘરમાં જ બનાવો તુલસીનું ટૂથ પાવડર

પહેલા તુલસીના કેટલાક પાંદડાઓ લઈ લો. પછી તેમને સુકવી નાંખો. હવે તેને સારી રીતે પીસીને એક જારમાં મૂકી દો. હવે આ પાવડરથી રોજ આપનાં દાંતોને બ્રશ કરો. આપ ઇચ્છો, તો પોતાની આંગળીઓનો પણ ઉપયોગ કરી શકો છો.

બાવળનાં દાંતણનો પ્રયોગ

બાવળનું વૃક્ષ વર્ષોથી દાંતોની સફાઈ કરવામાં ઉપયોગ થતુ આવ્યું છે. અહીં સુધી કે આજે ઘણી બધી ટૂથ પેસ્ટમાં પણ તેનો ઉપયોગ થાય છે. બાવળનાં વૃક્ષની ડાળખીઓમાં મોજૂદ ટૅનિન પીળા દાંતોને સફેદ કરવામાં મદદ કરે છે.

વડના વૃક્ષનું દાંતણ

વડની જડોમાં એક જાતનું કસદાર પદાર્થ હોય છે. તે જ પદાર્થ જ્યારે વૃક્ષ મોટુ થઈ જાય, ત્યારે તેની ડાળખીઓમાં પહોંચી જાય છે. તેન જો આપ દાંતણ તરીકે ઉપયોગ કરશો, તો આપનાં દાંત મોતી જેવા થઈ જશે.

લિમડાનું દાંતણ

લિમડામાં માત્ર કસદાર પદાર્થ જ નહીં, પણ તેની ડાળખીઓમાં એંટીસેપ્ટિક ગુણો હોય છે કે જે આપની શ્વાસની દુર્ગંધને દૂર કરે છે. સાથે જ કૅવિટીમાંથી પણ બચાવે છે.

બેકિંગ સોડા

બેકિંગ સોડા વિશે તો સૌ જાણે જ છે કે તે દાંતોને સાફ કરવામાં કેટલો ઉપયોગી છે. આપ બેકિંગ સોડામાં થોડોક લિંબુનો રસ મેળવી તેનાથી બ્રશ કરો. તેનાથી આપનાં દાંત સફેદ તો થશે જ, સાથે જ દાંતો પર લાગેલું પ્લૅક પણ સારી રીતે સાફ થઈ જાય છે, પરંતુ એક સાવચેતી પણ રાખવી પડશે કે જરૂરથી વધુ બેકિંગ સોડાનો પ્રયોગ ન કરો. તે આપના દાંતોને નુકસાન પહોંચાડી શકે છે.

વિટામિન સીથી ભરપૂર ફળો અને લીલું શાક ખાવો

ખાટા ફળો આપનાં દાંતોને પીળા થવામાંથી બચાવે છે. તેઓ બ્લિચની જેમ આપના દાંતોને સફેદ બનાવે છે. તેથી સ્ટ્રૉબેરી, ટામેટા, આંબળા, સંતરા અને લિંબુનો ઉપયોગ કરો.

સ્ટ્રૉબેરી

સ્ટ્રૉબેરીને બે ટુકડાઓમાં કાપી લો. પછી તેની ઉપર બેકિંગ સોડા ભભરાવો. હવે તેને પોતાનાં દાંતો પર રગડો. તેનાથી આપનાં દાંત ચમકદાર થઈ જશે. જો બેકિંગ સોડા ન ગમતું હોય, તો માત્ર સ્ટ્રૉબેરીનો જ ઉપયોગ પણ કરી શકો છો. તેનો રસ પણ આપનાં દાંતો પર 2-3 મિનિટ લગાવીને છોડી દો. થોડીક વાર બાદ તેને ધોઈ નાંખો. આપનાં દાંતો ઝળહળી ઉઠશે.

રાત્રે સૂતા પહેલા

1. સંતરાની છાલને પોતાનાં દાંતો પર રગડો અને દાંત સાફ કરી લો.
2. લિંબુને પોતાનાં દાંતો પર એક મિનિટ સુધી રગડ્યા બાદ ધોઈ નાંખો.
3. એક ચમચી લિંબુનાં રસમાં 1 ચમચી પાણી મેળવી તેનાથી બ્રશ કરો. પછી તે ટૂથ પેસ્ટ વડે બ્રશ કરો કે જેનાથી દરરોજ કરો છો. સાવચેતી એટલી જ રાખવી કે લિંબુનો પ્રત્યક્ષ ઉપયોગ ક્યારેય ન કરવો. તેનાથી આપનાં દાંતોને નુકસાન થશે.