શું બાળકના કાનમાં જામી ગયેલા મેલને સાફ કરવો જોઈએ ?

ઈયરવેક્સ એક સમસ્યા ક્યારે બની જાય છે?

ઈયરવેક્સ ત્યારે સમસ્યા બની જાય છે જ્યારે તે વધુ ઝડપી અને વધુ પ્રમાણમાં બનતો હોય. તેને કાનનું લક્ષણ કહેવામાં આવે છે. તમારે આ વાત ઉપર ધ્યાન આપવું જોઈએ કે તમારા બાળકને ઓછું સંભાળવું, કાનમાં દુખાવો, કાનમાં ખંજવાળ અને કાનમાં અવાજ જેવી ફરિયાદ તો નથી કરતા ને. થઈ શકે કે તમારા બાળકના કાનમાં મેલ જમા થઈ ગયો હોય.

કાનને કેવી રીતે સાફ કરશો?

સૌથી પહેલા અને સૌથી મહત્વપૂર્ણ ધ્યાન રાખવા યોગ્ય બાબત આ છે કે કાનના મેલને સાફ કરવા માટે કાનમાં કઈ ના નાંખો. જો તમારું બાળક સહયોગ નથી કરતું તો તેનાથી ઈયરડ્રમને ખૂબ નુકશાન થાય છે. કેટલાક એવા ડ્રોપ્સ હોય છે જે કાનનાં વેક્સને પીઘળાવે છે. ર્ડોક્ટરની સલાહથી તેનો ઉપયોગ કરો. તમારા બાળકને એક પડખે સૂવાનું કહો. તે કાનને ઉપરની બાજુ રાખો જેમાં ડ્રોપ્સ નાંખવાના હોય અને તેના પછી ડ્રોપ્સ નાંખો.

ચિકિત્સકની સલાહ ક્યારે લો?

તમારા બાળકના નાજુક કાન સાથે ક્યારેય પણ કોઈ પ્રયોગ ના કરો. ર્ડોક્ટરની સલાહ લો અને તે સૌથી પહેલા તમને ઉપાય માટે ડ્રોપ્સનો ઉપયોગ કરવાનો જ કહેશે. જો ડ્રોપ્સથી આરામ ના થાય તો બીજા ઉપાય જેવા કે કાનની કેનાલમાં દબાણની સાથે પાણીને રેડી શકાય વગેરે કરી શકાય છે. તેાં સક્શન સેશન પણ રહેલ છે. બાળક માટે આ થોડું દર્દભર્યું અને અસુવિધાજનક હોઇ શકે છે પરંતુ તેનાથી લાભ થશે.

શું તેના માટે અમે ઘરગથ્થું ઉપાય કરી શકીએ છીએ?

ઈયરવેક્સ માટે હમેંશા ઘરગથ્થું ઉપાય કરવામાં આવે છે. કેટલાક એવા અસુરક્ષિત ઘરગથ્થું ઉપાય છે જે કાનનો મેલ નીકાળવા માટે ખૂબ લોકપ્રિય છે. આ પ્રકારના પ્રયોગોથી દૂર રહો કેમકે તેના કારણે ઘણી ગંભીર સમસ્યાઓ જેવી કે સંક્રમણ અને ઈયરડ્રમને નુકશાન થઈ શકે છે.

બાળકો માટે ઈયરબડ્સનો ઉપયોગ કેવી રીત કરશો?

ઈયર બડ્સની મદદથી કાનના મેલને નીકાળવાથી ઈયર ડ્રમને નુકશાન પહોંચી શકે છે. ઈયર બડનો ઉપયોગ કરવાની સલાહ ત્યારે આપવામાં આવે છે જ્યારે તમે પહેલા ઈયરડ્રોપર નાંખીને મેલને થોડો નરમ કરી લો. તેનાથી મેલ નીકાળવો સરળ થઇ જાય છે. તેને હંમેશા ખૂબ સાવધાનીથી કરો અને ધ્યાન રાખો કે તમારું બાળક માથું ના હલાવે.

કાનના મેલને કેવી રીતે રોકશો?

કાનમાં મેલ થવાની સમસ્યા વિશે ચિંતા ના કરવી જોઈએ કેમકે તે બિલ્કુલ સામાન્ય છે. પરંતુ દુર્ભાગ્યથી એવું કંઈ નથી જેનાથી તમે વધારે મેલ થવાની સમસ્યાને રોકી શકો. કાનોને સાફ રાખીને તમે કાનના સંક્રમણથી બચી શકો છો પરંતુ મેલ બનવાને રોકી શકતા નથી.