પોતાનાં બાળકોને હૅલ્ધી રાખવાં હોય, તો માનો આ એક્સપર્ટ ટિપ્સ

ટિપ 1

અભ્યાસની સાથે-સાથે પોતાનાં બાળકને કોઇક અન્ય એક્ટિવિટીમાં ભાગ લેવા માટે પ્રેરિત કરો. તેમનાં રસ અને તેમની પ્રતિભા મુજબ કોઇક સ્પોર્ટ્સ કોચિંગ સેંટરમાં તેમને દાખલ કરાવો. આ રીતે તેમનાં આરોગ્યમાં સુધારો થશે અને તેઓ તાણમુક્ત પણ રહેશે.

ટિપ 2

જો માતા-પિતા શરુઆતથી જ બાસ્કેટ બૉલ તથા બૅડમિંટન જેવી રમતોમાં રસ ધરાવતા હોય, તો પોતાનાં બાળકોને પણ તે રમતોનો ભાગ બનાવો. બાળકોનો રમત-ગમતમાં રસ વધારવા માટે આજે ઘણા બધા માતા-પિતા પોતે જ રમવાનું શરૂ કરી ચુક્યાં છે. તરુણ વયનાં બાળકોની સાથે પોતાનાં સંબંધ મજબૂત બનાવવાની આ એક સારી રીત છે.

ટિપ 3

જો બાળક ભૂલ કરે, તો તેને વઢીને યોગ્ય માર્ગ દાખવવો માતા-પિતાનો હક છે. જેટલા સમય માટે બાળક ઇનડોર ગેમ્સ રમે છે, તેટલા જ સમય માટે તેણે આઉટડોર ગેમ્સ પણ રમવી જોઇએ. મોટેરાઓને એ વાત સમજાવી શકાય છે, પણ નાના બાળકો પર થોડીક કડકાઈ વર્તવી પડી શકે છે.

ટિપ 4

મિત્રોનો સાથ સૌને પસંદ હોય છે. જો આપનું બાળક એકલું કોઇક ક્લાસમાં જોડાવા નથી માંગતો, તો તેનો કોઈ મિત્ર આપની આ મુશ્કેલીનો ઉકેલ બની શકે છે. જોકે તેના માટે આપે તેના માતા-પિતા સાથે વાત કરવી પડશે.

ટિપ 5

માતા-પિતાની જવાબદારી છે કે તેઓ પોતાનાં બાળકોને કોઈ પણ વસ્તુ કે ટેવ સાથે જોડાયેલા ફાયદા અને નુકસાન વિશે સારી રીતે સમજાવે. બાળપણમાં પાડવામાં આવેલી ટેવો તેમનાં આરોગ્ય સ્વરૂપે ઝળકે છે. માટે આપણે સૌ આપણાં બાળકોને પથારીમાં પડેલા નહીં, પણ મેદાનમાં રમતા જોવાનું પસંદ કરીએ છીએ.