આ રીતને ધ્યાનમાં રાખીને સુરક્ષિત રીતે રમો હોળી

મોટાભાગના રંગ એસિડિક હોય છે. આંખોમાં જતાં જ તેનાથી ખંજવાળ અથવા બળતરા થઇ શકે છે. આંખોમાં રંગ જતા રહે તો ઠંડા પાણી વડે ધુવો. આરામ ન મળે તો તાત્કાલિક ડોક્ટરનો સંપર્ક કરો.

હોળી રમ્યાના થોડા દિવસો સુધી નખના કિનારા પર રંગ ચોંટેલો રહે છે, જે ખરાબ લાગે છે. નખની સુરક્ષા માટે ધૂળેટીના દિવસે નેલપોલિશ લગાવો. જો નખ લાંબા હોય તો અંદર તરફ પણ થોડી નેલપોલિશ લગાવી શકો છો.

હોઠની સુરક્ષા માટે લિપસ્ટિક જરૂર લગાવો. હાં, તે પહેલાં વેસલીન જરૂરથી લગાવો.

હોળી રમતા પહેલાં વાળમાં સારી રીતે તેલ લગાવી શકો છો અને પછી ચોટી અથવા અંબોડો બનાવી લો. જેથી કલર તમારા માથાની ત્વચા સુધી જઇ ન શકે.

જો તમારા મોંઢામાં રંગ જતો રહે તો પાણી પી ને ઉલટી કરી દો. પરંતુ વધુ માત્રામાં જતો રહે તો જલદી ડોક્ટર પાસે જાવ. આ ઉપરાંત જો ભૂલથી રંગ તમારા નાકમાં જતો રહ્યો છે અને તમને શ્વાસ લેવામાં સમસ્યા થાય છે તો તાત્કાલિક હોસ્પિટલ જાવ. ધ્યાન રહે કે આ દરમિયાન પાણી પીશો નહી, નહીતર શ્વાસ રૂંધાઇ શકે છે.

મોંઢામાં રંગ જતો રહે તો ગરમ પાણીમાં હળદર તથા મીંઠું મિક્સ કરી કોગળા કરો.