પિંપલ્સ અને ડ્રાય સ્કિનમાંથી છુટકારો અપાવે કોળુંનું ફેસ પૅક

જ્યારે વાત હોય ફેસ મૉસ્કની, તો આપણે કાયમ જ કંઇક સારી પસંદગી કરવાની કોશિશ કરીએ છીએ કે જે આપણને સારૂં રિઝલ્ટ આપે, પરંતુ શું આપ બજારની પ્રોડક્ટ્સ છોડી કિચન તરફ વળવા માંગો છો ?

આજે તો બજારમાં કેટલીય પ્રોડક્ટ મોજૂદ છે કે જેમાં કુદરતી ચીજો મળેલી હોય છે; જેમ કે હળદર, મધ, લિંબુ વગેરે, પરંતુ શું આપ જાણો છો કો કોળુંને પણ આપણે ફેસ પૅક તરીકે ઉપયોગ કરી શકીએ છીએ ? કોળુંનું ફેસ પૅક લગાવવાથી આપનો ચહેરો તરત જ ગ્લો કરશે. તેના બીજા પણ ફાયદાઓ છે, આવો જાણીએ તેમના વિશે...

દરેક પ્રકારની સ્કિન માટે : અડધું કપ કોળુંનું પેસ્ટ લો. તેમાં અડધી ચમચ મધ અને દૂધ મિક્સ કરો. પછી તેમાં ચપટી ભર તજ પાવડર મિક્સ કરો. આ પેસ્ટ ચહેરા પર 15 મિનિટ સુધી લગાવી મૂકો અને પછી ચહેરો હળવા ગરમ પાણીથી ધોઈ લો.

શુષ્ક ત્વચા પર પણ અસરકારક : કોળુંને પીસીને પેસ્ટ બનાવો. તેમાં મલાઈ પણ મિક્સ કરો. પછી 2 ચમચી ખાંડ મિક્સ કરી ચહેરા પર લગાવો. તેનાથી ચહેરામાં ભેજ આવશે અને શુષ્કતા દૂર થશે.

ઑયલી ત્વચા માટે : 1 ચમચી કોળુનું પેસ્ટ લો. તેમાં 1 ચમચી એપ્પલ સાઇડર વિનેગર કે લિંબુનો રસ મેળવો. તેને ચહેરા પર લગાવો. લિંબુ ચહેરા પર ટોનરની જેમ કામ કરે છે અને ચહેરાના પીએચ લેવલને બૅલેંસ કરે છે.

એક્ને દૂર કરે : 1 ચમચી કોળુનું પેસ્ટ લઈ તેમાં 1 ચમચી ઇંડાનો સફેદ ભાગ મિક્સ કરો. પછી તેને ચહેરા અને ગળા પર લગાવો. તેને 20 મિનિટ સુધી એમ જ છોડી દો અને પછી હળવા ગરમ પાણીથી ધોઈ લો.