હવે ઘરે જ કરો ખીલની સારવાર

By Lekhaka

Published: Thursday, February 2, 2017, 10:47 [IST]

ચહેરા પર જ્યારે ગંદકી જમા થવા લાગે છે, અને જો તમારી ત્વચા વધુ તૈલી(ઓઇલી) છે તો ખીલ જરૂર થશે. ગરમી પણ એક મોટું કારણ છે લૂ થી આપણી ત્વચા બરછટ અને પાણીના અભાવે આપણી ત્વચા કોમળતા ગુમાવવા લાગે છે. જેના લીધે પહેલા બ્લેક હેડ્સ અને વ્હાઇટ હેડ્સ થાય છે અને જો તેની સારવાર યોગ્ય સમયે ના કરવામાં આવે તો ખીલ પણ થાય છે.

આમ તો બજારમાં ઘણા પ્રકારના ફેશવોશ અને ક્રીમ ખીલને દૂર કરવા માટે ઉપલબ્ધ છે. પરંતુ આપણે બહાર જવાની જરૂર શું જરૂર જ્યારે બધુ ઘરમાં હાજર હોય.

બેકિંગ સોડા

આ ખીલ માટે સૌથી સારો ગણવામાં આવે છે, આ બ્લેકહેડ્સ અને વાઇટ હેડ્સને સાફ કરી ત્વચાને ચમકદાર બનાવે છે. એક ચમચી સોડામાં થોડા ગરમ પાણી સાથે મધ મીક્સ કરો તેને તમારા ચહેરા પર 10 મિનિટ સુધી લગાવી રાખો અને પછી ધોઇ દો.

ટી ટ્રી ઓઇલ

આ ત્વચા માટે સારું એન્ટીસેપ્ટિક અને એન્ટીમાઇક્રોબીઅલ છે. બે મોટી ચમચી ડિસ્ટિલ્ડ વોટરમાં એક ચમચી બેકિંગ સોડા અને મધ અને 5-6 ટપકાં ટી ટ્રી ઓઇલના લો. તેને સારી રીતે મિક્સ કરી ફેસ પેક તૈયાર કરો અને ચહેરા પર લગાવો, આ તમારા ખીલની સમસ્યામાંથી છુટકારો અપાવશે.

ધાણા અને ફૂદીનાનો રસ

ગરમીઓમાં ધાણા અને ફૂદીના તમારી ત્વચા માટે ખૂબ ફાયદાકારક છે. એક ચમચી ધાણા અથવા ફૂદીનાનો રસ લો તેમાં એક ચપટી હળદર મિક્સ કરો, તેને દરરોજ રાત્રે સૂતાં પહેલાં લગાવો.