દરેક સ્ત્રીએ જાતિય આરોગ્ય અંગે ખબર હોવી જોઇએ આ તથ્યો

1. વેઝાઇનલ ઈસ્ટ ઇન્ફેક્શન

આ ખૂબ જ સામાન્ય બીમારી છે. ઈશ્ટ ઇન્ફેક્શન એક ઓછી સંખઅયામાં યોનિમાં રહે છે અને ધીમે-ધીમે વધી ચેપનો સ્વરૂપ લઈ લે છે. ઇન્ફેક્શન થતા મહિલાની યોનિમાં બળતરા, લાલાશ અને સોજો થવા લાગે છે. સેક્સ કરતી વખતે આ ખૂબ જ પીડાકારક હોય છે. ઈસ્ટ ઇન્ફેક્શન કોઈ પણ યુવતીને જ થઈ શકે. તેની સારવાર તરત કરાવવી જોઇએ.

2. STD રોકવા માટે કૉંડોમનો ઉપયોગ

એડ્સ અને યૌન સંચરિત ચેપોને રોકવા માટે કૉંડોમનો પ્રયોગ આવશ્યક છે. ઘણા લોકો જાણી જોઈને કૉણ્ડોનો પ્રયોગ નથી કરતા, પરંતુ આ આપની જવાબદારી છે કે આપ પોતે પણ બચો અને પોતાના પાર્ટનરને પણ પ્રાણઘાતક બીમારીમાંથી બચાવો.

3. ટેસ્ટોસ્ટેરોન

મહિલાઓની સેક્સની ઇચ્છાને વધારવામાં ટેસ્ટોસ્ટેરોન હૉર્મોન ખૂબ મહત્વ ધરાવે છે. 20 વર્ષની વય સુધી ટેસ્ટોસ્ટેરોન ખૂબ જ ઉચ્ચ પ્રમાણમાં રહે છે અને જેમ-જેમ ઉંમર ઢળે છે, તેમ તેમાં ઘટાડો થવા લાગે છે. મહિલાઓના યૌન આરોગ્ય નિષ્ણાતોનું કહેવું છે કે જે મહિલા રજોનિવૃત્તિ સુધી નથી પહોંચી, તેણે ટેસ્ટોસ્ટેરોન થેરેપી કરાવવી જોઇએ. એવું કરવાથી તેનો સેક્સમાં રસ જળવાઈ રહે છે.

4. મહિલા જાતિય રોગ

શારીરિક કે મનોવૈજ્ઞાનિક રીતે જો કોઈ મહિલાને સેક્સ દરમિયાન દુઃખાવો થઈ રહ્યો છે કે તે સેક્સથી સંતુષ્ટ નથી, તો પછી તરત તબીબ પાસે જવું જોઇએ. આ સમસ્યા 18થી 59 વર્ષની વય સુધીની મહિલાઓમાં જોવા મળી છે.

5. યોનિનું સંકોચન

કેટલીક મહિલાઓને સંભોગ દરમિયાન યોનામાં દુઃખાવો અનુભવાય છે કે જે યોનિના સંકોચનના કારણે થાય છે. મેડિકલ કંડીશન તરીકે જો જોવામાં આવે, તો યોનિની માંસપેશીઓ જ્યારે કસાઈ જાય છે, ત્યારે તેમને સંભોગ વખતે દુઃખાવો થવા લાગે છે. તેનું કારણ ટેંશન હોય છે અને જો તેને જલ્દીથી સાજુ ન કરવામાં આવે, તો કપલ્સ વચ્ચે લડાઈ-ઝગડા શરૂ થવાની શંકા વધી જાય છે.

6. સેક્સ એલર્જી

યોનિમાં ખંજવાળ તથા સેક્સ બાદ બળતરાનો મતલબ છે કે આપને સેક્સથી એલર્જી છે. શક્ય છે કે આપ વીર્યથી એલર્જિક હોવ. જો આ રોગને વહેલાસર તબીબને ન બતાવવામાં આવે, તો મહિલાને અનફીલેક્સિસ બીમારી થઈ શકે છે.

7. મૂત્ર અસંયમ

આ સમસ્યા બંને લિંગો વચ્ચેની સૌથી સામાન્ય સમસ્યા છે. આ સગર્ભાવસ્થા, પ્રસૂતિ અને રજોનિવૃત્તિ દરમિયાન મહિલાઓમાં થાય છે. ખાંસી, હસતા, છીંકતા કે પછી કેટલીક શારીરિક ખસરતો કરતી વખતે પેશાબ છૂટી જવું એટલે મૂત્ર અસંયમ. આ સમસ્યાને દૂર કરવામાટે પેલ્વિક ફ્લોર મસલ એક્સરસાઇઝ કરવી જોઇએ.

8. રજોનિવૃત્તિ

45થી 55 વર્ષની વયમાં તમામ મહિલાઓ માતા બનવાની મતા ગુમાવી દે છે અને રજોનિવૃત્તિ સુધી પહોંચી જાય છે. જ્યારે મહિલા રજોનિવૃત્તિમાં પહોંચે છે, ત્યારે મહિલાને મૂડ સ્વિંગ, હાઈ બીપી તથા અન્ય મુશ્કેલીઓ શરૂ થઈ જાય છે. તેમાં યોનિ સુકાઈ જાય છે અને સેક્સ કરવાની ઇચ્છા ખતમ થઈ જાય છે.