આવા પુરુષો પર મહિલાઓ ઓવારી જાય છે...

Updated: Tuesday, February 3, 2015, 15:45 [IST]

જીવનમાં પ્રેમનું મહત્વ આગવું છે. પ્રેમ વગરના જીવનની કલ્પના કરી શકાય નહીં. જોકે પુરુષ અને સ્ત્રી વચ્ચેના પ્રેમમાં હંમેશા પસંદગીનો અવકાશ સ્ત્રી પાસે રહેલો હોય છે. એટલે કે પ્રેમ માત્ર પુરુષના ચાહવા કે ઇચ્છવાથી પાંગરતો નથી. તેમાં સ્ત્રીની પણ એટલી જ સહભાગીતા અને સહમતી જોઇએ જેટલી પુરુષ દર્શાવે છે.

જોકે આપણા સમાજની રચના પશ્ચિમી સંસ્કૃતિથી જરા જુદી છે જે સ્ત્રીને આગળ આવીને પોતાના પ્રેમની અભિવ્યક્તિ કે પહેલ કરવાની પરવાનગી આપતી નથી. જોકે પ્રેમ તેના અંતિમ ચરણ સુધી પહોંચે ત્યા સુધી પસંદગીના દરેક પાસા સ્ત્રી, મહિલા, કે યુવતી નક્કી કરતી હોય છે.

આચાર્ય વાત્સાયન દ્વારા રચિત ગ્રંથ કામસૂત્રમાં આ વાતનું સંપૂર્ણ વિવરણ આપવામાં આવ્યું છે કે કઇ રીતે પુરુષ મહિલાઓને રિઝવવામાં સફળ થાય છે. ભલે પ્રાચિનકાળમાં લખાયેલા સૂત્રો એટલા રોમાંચક ના રહ્યા હોય પરંતુ તેના અંગે જાણવાની ઉત્સુકતા તો બની રહે જ છે.

કામસૂત્રમાં પુરુષોની કેટલીક એવી વિશેષતાઓ અંગે માહિતી આપવામાં આવી છે, કે જેનાથી તેઓ મહિલાઓને પોતાની તરફ સરળતાથી આકર્ષિત કરી લે છે. જાણો આ અંગે કામસૂત્ર શું કહે છે....