મિક્સ ત્વચા માટે ૭ સરળ DIY ફેસ માસ્ક

૧. ક્લે અને દૂધથી બનાવેલ ફેસ માસ્ક

ક્લે તથા દૂધને જ્યારે પરસ્પર મિક્સ કરવામાં આવે છે તો આ મિશ્રણ મિક્સ ત્વચા માટે ખૂબ લાભદાયક હોય છે. ક્લે તથા કાચા દૂધને સમાન માત્રામાં મેળવો. આ ડીઆઇવાય માસ્કને ચહેરા પર એકસમાન રીતે ફેલાવો અને તેને ૧૦ મિનીટ સુધી સુકાવા દો. પછીથી પાણીથી ધોઈ લો.

૨. એવોકેડો અને નારિયેળ તેલથી બનાવેલ ફેસ માસ્ક

એક ચમચી નારિયેળ તેલને મસળેલા એવોકેડોમાં મેળવો અને તેનાથી ચહેરા પર ધીરે ધીરે મસાજ કરો. ૨૦ મિનીટ પછી તેને પાણીથી ધોઈ લો. આ માસ્કને મહિનામાં બે વખત લગાવો જેથી તમારી મિક્સ ત્વચા સ્વસ્થ અને સુંદર બની રહે.

૩. સીવીડ, મધ અને એપ્રીકોટ ઓઇલથી બનાવેલ માસ્ક

એક ચમચી સૂકી સીવીડ લો અને તેને એક ટેબલસ્પૂન મધ અને ૨ ટીંપા એપ્રીકોટ ઓઈલ સાથે મિક્સ કરો. આ માસ્કથી તમારા ચહેરા અને ગળાની માલિશ કરો. પછી ઠંડા પાણીથી ધોઈ લો. મહિનામાં એક વખત આ ફેસ માસ્કને લગાવો.

૪. ઓટમીલ, બદામનો પાવડર અને રોઝ વોટરથી બનેલ માસ્ક

એક મુઠ્ઠી બદામને વાટી દો અને તેના પાવડરને ઓટમીલ અને રોઝ વોટરની સાથે મિક્સ કરો. આ માસ્કને ચહેરા પર એક સમાન રીતે લગાવો અને ૧૦ મિનીટ માટે રાખો. અઠવાડિયામાં એક વાર તેને લગાવવાથી તમારી ત્વચા નરમ અને મુલાયમ રહે છે.

૫. કાકડીનો રસ, મિલ્ક પાવડર અને દહીંમાંથી બનાવેલ માસ્ક

એક ટેબલસ્પૂન કાકડીના રસમાં એક ચમચી દૂધ પાવડર અને એક ચમચી દહી મેળવો. આ માસ્કને ચહેરા પર એક સમાન રીતે લગાવો. પદાર્થોનું આ મિશ્રણ ત્વચાને કોમળતા પ્રદાન કરે છે અને ત્વચા પર ઉંડાઇએ જામેલી ધૂળને સાફ કરે છે. આ જામેલી ધૂળના કારણે ત્વચાના રોમ છિદ્ર બંધ થઈ જાય છે.

૬. કેળા, ઈંડાની સફેદી અને મધથી બનેલ ફેસ માસ્ક

એક ચમચી મધમાં એક ઈંડાની સફેદી અને ૨ મસળેલા કેળાં મિક્સ કરો. આ માસ્કની પાતળી પરત ચહેરા અને ગળા પર લગાવો. ૧૦ મિનીટ પછી તેને ધોઈ લો. નરમ અને સાફ ત્વચા પ્રાપ્ત કરવા માટે તમારી ત્વચા પર આ અદ્ભૂત ફેસ માસ્કનો ઉપયોગ કરો.

૭. પપૈયાનો પલ્પ, મધ અને ગ્લિસરીન ફેસ માસ્ક

એક ચમચી પપૈયાના પલ્પમાં ૨ ટીંપા ગ્લિસરીન અને ૧ ચમચી મધ મિક્સ કરો. આ મિશ્રણથી ચહેરા પર મસાજ કરો અને ૧૫ મિનીટ સુધી તેને લગાવીને રાખો. પછીથી તેને ઠંડા પાણીથી ધોઈ લો. સારા રંગ અને સાફ ત્વચા માટે અઠવાડિયામાં એક વખત આ ફેસ માસ્કનો ઉપયોગ કરો.