કંઇક આવી ફેશન જોવા મળી મેટ બોલ 2013માં

| Published: Thursday, May 9, 2013, 12:57 [IST]

ફેશન અને સેલિબ્રિટી એક સિક્કાની બે બાજૂ જેવા છે, જ્યાં પણ સમય મળે તેઓ પોતાની ફેશન થકી લોકોનું ધ્યાન પોતાની તરફ ખેંચવા માટે પ્રયત્નો કરતા રહેતા હોય છે. એ પછી હોલિવુડ હોય કે ભારતીય ફિલ્મ ઉદ્યોગનું બોલિવુડ. જ્યાં પણ મોકો મળે છે ત્યાં તેઓ પોતાની ફેશન લોકો અને પોતાના ચાહકો સમક્ષ મૂકે છે, પરંતુ ક્યારેક આવી જ ફેશનમાં આપણને એવું વિચિત્ર જોવા મળે છે કે, ઇચ્છા હોવા છતાં પણ આ સેલિબ્રિટીના ચાહકો અને અન્યો એ ફેશન અને લૂકને ફોલો કરી શકતા નથી.

કંઇક આવી જ ફેશન આ વખતે મેટ બોલ 2013ની ન્યૂયોર્ક ખાતેની એક રાત્રે જોવા મળી હતી, જ્યાં હોલિવુડની જાણીતી હસ્તીઓ બેયોન્સ, મેડોના, ક્રિસ્ટના સ્ટેવર્ટ સહિતની હોલિવુડ હોટ બેબ્સ રેડ કારપેટ પર ઉતરી ત્યારે તેમના દ્વારા ધારણ કરવામાં આવેલી વિચિત્ર પ્રકારની ફેશન જોવા મળી હતી. આ સેલિબ્રિટીઝ દ્વારા ધારણ કરવામાં આવેલી આ વિચિત્ર ફેશન અને લૂક કેટલીક હદે એવો હતો જે સામાન્ય રીતે ચલણમાં લઇ શકાય તેવો હતો પરંતુ કેટલીક ફેશન અને લૂક એવો હતો કે તે માત્ર હાંસી ઉપજાવે તેવો જ હતો. અહીં નીચે સ્લાઇડરમાં આ વિચિત્ર ફેશન સાથેની રેડ કારપેટની કેટલીક તસવીરો રજૂ કરવામાં આવી છે, જેને જોઇને ચોક્કસ તમે પણ કહેશો કે આ તે વળી કેવી ફેશન. તો ચાલો તસવીરોના માધ્યમથી જોઇએ આપણે આવી જ કેટલીક વિચિત્ર ફેશન સાથે રેડ કારપેટ પર ઉતરેલી સિલીબ્રિટીઝને.