Just In
- 1045 days ago #BlueWarrior બનો! ભારતના કોવિડ વૉરિયર્સની મદદ માટે જોશ એપના અભિયાનમાં ભાગ લો
- 1054 days ago #IAmABlueWarrior: કોવિડ વૉરિયર્સ અને ફ્રન્ટલાઈન વર્કર્સની મદદ માટે જોશ એપની પહેલ
- 1784 days ago શું તમને પણ આ પ્રકારના ગુસ્સો અપાવનારા ગુડ મોર્નિંગ ના મેસેજ આવે છે?
- 1786 days ago કાકડીના પાણીના સ્વાસ્થ્ય લાભો અને તેને બનાવવાની રીત.
બ્લૅક હૅડ્સ દૂર કરવાના 3 સર્વોત્તમ ઘરગથ્થુ ઉપચારો
બ્લૅક હૅડ્સ ખીલ જેવા જ હોય છે તથા મહિલાઓ અને પુરુષો બંનેએ જ આ સમસ્યાનો સામનો કરવો પડે છે. બ્લૅક હૅડ્સ ચેહરા પર ધાની જેમ દેખાય છે તેમજ સામાન્ય રીતે તે નાક પર થાય છે.
જો આપને આ બાબતની ચિંતા હોય કે બ્લૅક હૅડ્સને કેવી રીતે દૂર કરવામાં આવે, તો આના માટે બજારમાં ઘણી વસ્તુઓ જેમ કે સ્ટ્રિપ વગેરે ઉપલબ્ધ છે. આ સ્ટ્રિપ બ્લૅક હૅડ્સને ખેંચીને કાઢે છે. જો કે આ બહુ જ દુ:ખાવાજનક પ્રક્રિયા હોય છે તથા આની સલાહ નથી આપવામાં આવતી, કારણે કે આ પ્રક્રિયામાં ત્વચાના રોમ છિદ્રોને ખોલીને બ્લૅક હૅડ્સ બાહર કાઢવામાં આવે છે.
રોમ છિદ્રો ખુલ્લા રહેતા તેમાં ઘૂળ જવાની શક્યતા રહે છે. માટે આ બધી બાબતો માંથી આપને બચાવવા માટે અમે આપને ત્રણ ઘરગથ્થુ ઉપચારો જણાવી રહ્યા છીએ, જેના દ્વારા આપ બ્લૅક હૅડ્સને આરામથી દૂર કરી શકો છો. આવો આ ઉપચારો વિશે જાણીએ.
જિલેટિન પૅક : જિલેટિન ચિકણુ હોય છે. માટે બ્લૅક હૅડ્સ તથા ત્વચાની અન્ય અશુદ્ધિઓ દૂર કરવા માટે આનો ઉપયોગ કરવો યોગ્ય હોય છે. જિલેટિનના ઉપયોગથી વધુ દુ:ખાવો નથી થતો તથા આનો ઉપયોગ કરવો પણ સલામત છે. કોઈ પણ ફ્લેવર વગરના જિલેટિનનો ઉપયોગ કરો. જિલેટિન પાવડરને પાણીમાં મેળવો અને તરત જ અસરગ્રસ્ત સ્થાને લગાવો, એ પહેલા કે તે સૂકાઈને સખત થઈ જાય. સંપૂર્ણ રીતે સૂકાઈ જતા તેને કાઢી નાખો. આપ જોશો કે એક જ પળમાં આપના બ્લૅક હૅડ્સ નિકળી જશે. ખ્યાલ રાખવો કે આ ઉપચાર અપનાવ્યા બાદ તે સ્થળે આઇસ વૉટર લગાવો, જેથી રોમ છિદ્રો બંધ થઈ જાય.
ટૂથપેસ્ટ સ્ક્રબ : કોઈ પણ મિંટ ટૂથપેસ્ટ લો (જૅલ અથવા સફેદ કોઈ પણ) તથા તેમાં મીઠું મેળવી સ્ક્રબ બનાવો. મીઠાની કર્કશતાને કારણ એક વારનાં ઉપયોગથી જ બ્લૅક હૅડ્સ નિકળી જશે. આ ઉપરાંત ટૂથપેસ્ટમાં મોજૂદ મિંટ ઠંડક પહોંચાડે છે કે જેથી નમક રગડવાથી વધુ બળતરા ન થાય. સારા પરિણામો માટે અઠવાડિયામાં એક વાર આવું કરો.
ઇંડાની સફેદી : ઇંડાની સફેદી લો તથા તેને ત્યાં સુધી ફેંટો કે જ્યાં સુધી તે ફીણદાર ન થઈ જાય. એક બ્રશની મદદથી તેને નાક પર લગાવો. તેની ઉપર એક ટિશ્યુ પેપર લગાવો તથા આ ટિશ્યુ પેપર ઉપર ફરીથી ઇંડાની સફેદી લગાવો કે જેથી તે સખત થઈ જાય. આપનાં દ્વારા પોતે તૈયાર કરાયેલી સ્ટ્રિપ તૈયાર છે. બ્લૅક હૅડ્સ કાઢવા માટે તેને ખેંચીને નિકાળી દો.